Rumıniyada Ümummilli Lider Heydər Əliyevin xatirəsi anılıb
Azərbaycanın Rumıniyadakı səfirliyinin, SOCAR-ın Rumıniyadakı törəmə “Socar Petroleum SA” şirkətinin əməkdaşları və Rumıniyada yaşayan soydaşlarımız Ulu Öndər Heydər Əliyevin Buxarestin Tey parkında yerləşən büstünü ziyarət edərək önünə əklil, gül dəstələri düzüblər, dahi şəxsiyyətin xatirəsini yad ediblər.
Soydaşlarımızın qarşısında çıxış edən Azərbaycanın Rumıniyadakı səfiri Qüdsi Osmanov Ümummilli Lider Heydər Əliyevin həyat və fəaliyyəti haqqında danışıb, müstəqil Azərbaycanın qorunub saxlanılmasında, inkişafında və formalaşmasında onun əvəzsiz xidmətlərini qeyd edib.
Səfir Ulu Öndərin əsasını qoyduğu sabit inkişaf yolunu, siyasi xəttini Prezident İlham Əliyev tərəfindən uğurla davam etdirildiyini qeyd edərək, ölkəmizin regionda aparıcı rolu, o cümlədən nüfuzlu beynəlxalq tədbirlərin, görüşlərin ev sahibliyi etməsi, miqyaslı enerji və nəqliyyat layihələrin həyata keçirilməsi barədə danışıb.
Sonra tədbir iştirakçıları səfirlikdə Ümummilli Lider Heydər Əliyevə həsr edilmiş sərgi ilə tanış olublar. (azərtac)
22:24 12.12.2024
Oxunuş sayı: 6382
