Küveytdə ABŞ hərbi təyyarələri qəzaya uğradı
Səhər saatlarında bir neçə ABŞ hərbi təyyarəsi qəzaya uğrayıb və bütün heyət üzvləri tam şəkildə xilas ediliblər.
Crossmedia.az xəbər verir ki, bu barədə Küveyt Müdafiə Nazirliyinin rəsmi sözçüsü bildirib.
Onun sözlərinə görə, aidiyyəti qurumlar dərhal axtarış-xilasetmə əməliyyatına başlayıblar.
Heyət üzvləri təxliyə olunaraq sağlamlıq vəziyyətlərinin yoxlanılması və zəruri tibbi yardımın göstərilməsi üçün xəstəxanaya çatdırılıblar. Bildirilib ki, onların ümumi vəziyyəti stabildir.
Sözçü əlavə edib ki, hadisənin təfərrüatları ilə bağlı ABŞ-nin dost qüvvələri ilə birbaşa koordinasiya aparılıb və birgə texniki tədbirlər görülüb.
Qeyd olunub ki, qəzanın səbəblərinin müəyyənləşdirilməsi üçün araşdırma və təhqiqat davam etdirilir. Vətəndaşlara xəbərləri yalnız rəsmi mənbələrdən izləmələri tövsiyə olunub.
Məlumata görə, katapult edərək təyyarədən paraşütlə atılan üç ABŞ pilotunun fotoları da yayılıb.
13:18 02.03.2026
Oxunuş sayı: 664
