Ukrayna Maskı məcbur etdi: Starlink rus hərbçilərinə bağlı deyil
Yanvarın sonlarında rus dronu Kiyevin hökumət kvartalına daxil olub və BM-35 tipli dron kimi identifikasiya edilib.
Crossmedia.az xəbər verir ki, bu barədə "The Atlantic" qəzeti məlumat yayıb.
Hadisədən sonra Ukrayna tərəfi Amerikalı milyarder İlon Maska Starlink şəbəkəsinin rus qüvvələri tərəfindən uzaqmənzilli pilotsuz uçuş aparatlarını idarə etmək üçün istifadə edildiyinə dair sübutlar təqdim edib.
Nəticədə SpaceX “ağ siyahı” sistemini tətbiq edərək yalnız təsdiqlənmiş istifadəçilərin Starlink-ə çıxışına icazə verib. Bu, qeyri-qanuni olaraq terminallardan istifadə edən rus hərbçilərinin əlaqəsini kəsib və onların bölmələrinin koordinasiyasına ciddi təsir göstərib.
12:22 28.02.2026
Oxunuş sayı: 617
