Putin Ukrayna ilə bağlı məqsədlərinə nail ola bilməyib
Rusiya prezidenti Vladimir Putin Ukrayna ilə bağlı əsas məqsədlərinə nail ola bilməyib.
Crossmedia.az xəbər verir ki, bu barədə "Die Zeit" qəzeti yazıb.
Qəzetə görə, Rusiya iqtisadiyyatını müharibə yolu ilə canlandırmaq cəhdi uğursuzluğa düçar olub və iqtisadiyyat tənəzzül etməyə davam edir. Ukraynanın müstəqilliyini zəiflətmək niyyəti əks effekt verib və milli mənlik şüuru güclənib. Həmçinin, Kiyevi almaq planı iflasa uğrayıb və döyüşlər əsasən Donbas bölgəsində cəmlənib.
Qəzet qeyd edir ki, NATO-nun genişlənməsi dayandırılmayıb — Finlandiya və İsveç alyansa qoşulub. Almaniya isə Rusiya qazından asılılığını azaldıb. Rusiya qlobal güc statusunu gücləndirmək əvəzinə, Çinin kiçik tərəfdaşı roluna düşməyə başlayıb.
16:50 24.02.2026
Oxunuş sayı: 436
