Tramp: Həkimlərimin dediyindən çox aspirin qəbul edirəm
ABŞ Prezidenti Donald Tramp həkimlərinin tövsiyə etdiyindən daha yüksək dozada aspirin qəbul etdiyini bildirib. Onun sözlərinə görə, əlində yaranan morluqlar da məhz bununla bağlıdır.
Crossmedia.az xəbər verir ki, Tramp bu barədə Wall Street Journal qəzetinə verdiyi müsahibədə səhhəti ilə bağlı yayılan iddialara münasibət bildirib.
Tramp qeyd edib ki, aspirini qanı durultmaq üçün qəbul edir və ürəyindən “qalın qan axmasını istəmir”. O, təxminən 25 ildir mütəmadi olaraq aspirin istifadə etdiyini də deyib.
Tramp bəzi görüşlərdə yuxuya getdiyi iddialarını təkzib edərək, sadəcə gözlərini dincəltdiyini vurğulayıb. Eşitmə ilə bağlı isə eyni anda çox adam danışanda çətinlik çəkdiyini bildirib.
Qeyd edək ki, ABŞ mediası son vaxtlar 79 yaşlı Trampın əlində uzun müddətdir keçməyən morluqları yenidən gündəmə gətirmişdi. Ağ Ev isə bunun tez-tez əl sıxması və aspirin istifadəsi ilə əlaqəli olduğunu açıqlamışdı.
Fatimə Məmmədova
14:12 02.01.2026
Oxunuş sayı: 1441
