Peskov: NATO Rusiyaya verdiyi vədə 5-6 dəfə əməl etməyib
Rusiya NATO-nun şərqə doğru genişlənməyəcəyinə dair yazılı təminat verilməsini tələb edib.
Crossmedia.az xəbər verir ki, Gazeta.ru-nun məlumatına görə, bunu Kremlin sözçüsü Dmitri Peskov bildirib.
Onun sözlərinə görə, Rusiyaya NATO-nun şərqə doğru genişlənməyəcəyi ilə bağlı əvvəllər də vədlər verilib, lakin alyans bu vədi 5-6 dəfə pozub.
Peskov vurğulayıb ki, NATO-nun genişlənməməsi ilə bağlı razılaşma sənədlə rəsmiləşdirilməlidir.
Qeyd edək ki, Rusiya Prezidenti Vladimir Putin də daha əvvəl NATO-nun şərqə doğru genişlənməmək vədini pozduğunu iddia edib. Məsələ ilə bağlı müzakirələr 1990-cı ildə Almaniyanın birləşməsi zamanı Qərb rəsmilərinin Sovet İttifaqına verdiyi vədlərlə əlaqələndirilir.
22:53 12.11.2026
Oxunuş sayı: 32
