Qəzzada xəstəxana hücumu BMT-ni hərəkətə gətirdi
Birləşmiş Millətlər Təşkilatı (BMT) İsrail ordusunun Qəzza zolağının cənubunda yerləşən Nasser xəstəxanasına endirdiyi hava zərbəsindən dərin narahatlıq keçirir.
Crossmedia.az xəbər verir ki, bu barədə BMT Baş katibinin sözçüsü Farhan Haq açıqlama verib.
O bildirib ki, xəstəxanalar və tibb müəssisələri beynəlxalq humanitar hüquq çərçivəsində qorunmalıdır. Tibb işçilərinin və xəstələrin təhlükəsizliyinin təmin edilməsi vacibdir.
Qeyd edək ki, noyabrın 12-də Xan Yunis şəhərindəki Nasser xəstəxanasına endirilən zərbə nəticəsində azı 6 nəfər ölüb, 28 nəfər yaralanıb. Həlak olanlar arasında həkim də var. Hücum xəstəxananın cərrahiyyə şöbəsinə ciddi ziyan vurub.
22:27 12.11.2026
Oxunuş sayı: 34
