Rusiya Su İdman Növləri üzrə Dünya Çempionatına ev sahibliyi etməyə hazırlaşır
Rusiya Su İdman Növləri Federasiyasının prezidenti Dmitri Mazepin bildirib ki, ölkə 2030 və 2031-ci illərdə Avropa çempionatlarına ev sahibliyi etməyə hazırdır.
Crossmedia.az xəbər verir ki, bu barədə "Lenta.ru" məlumat yayıb.
Bu bəyanat Fiziki Mədəniyyət və İdmanın İnkişafı Şurasının iclası zamanı səsləndirilib. Mazepin bildirib: "Mən 2030-cu ildə Avropa çempionatına, 2031-ci ildə isə Dünya çempionatına Rusiyada ev sahibliyi etmək üçün Avropa və dünya federasiyaları ilə razılığa gəlməyə hazıram. Biz, şübhəsiz ki, bunun uğrunda mübarizə apara bilərik".
O, həmçinin Rusiya Prezidenti Vladimir Putindən xahiş edib ki, əgər Rusiya bu yarışlara ev sahibliyi etmək hüququnu qazanarsa, hökumətə su idman növləri mərkəzinin tikintisi məsələsinə baxılması barədə göstəriş versin.
Oktyabrın ortalarında su idman növləri üzrə beynəlxalq idarəedici qurumun ("World Aquatics") prezidenti Hüseyn Əl-Müsəlləm Dünya çempionatının Rusiyada keçirilməsinə hazır olduqlarını bildirib.
Lakin o qeyd edib ki, turnir Kazanda keçirilə bilməz, çünki Tatarıstanın paytaxtı artıq 2015-ci ildə bu yarışa ev sahibliyi edib. Əvvəlcə Dünya çempionatının 2025-ci ildə yenidən Kazana qayıtması planlaşdırılırdı, lakin rusiyalı idmançılara qarşı tətbiq edilən sanksiyalar səbəbindən yarış Sinqapura köçürülüb.
22:05 12.11.2026
Oxunuş sayı: 40
