Uşakovdan Avropaya sərt mesaj: Bu, bitməyən müharibə reseptidir
Rusiya Prezidentinin köməkçisi Yuri Uşakov Avropa ölkələrinin müharibə başa çatdıqdan sonra Ukraynada hərbi kontingent yerləşdirmək planlarını tənqid edib.
Crossmedia.az xəbər verir ki, Lenta.ru-nun məlumatına görə, Uşakov bu təşəbbüsü “bitməyən müharibənin resepti” adlandırıb.
O bildirib ki, Avropa ölkələri münaqişə başa çatdıqdan sonra Ukrayna ərazisində “istəklilər koalisiyası”na daxil olan ölkələrin hərbi qüvvələrini yerləşdirməyə çalışırlar.
Uşakovun sözlərinə görə, Avropa ölkələri sülh, yoxsa müharibənin davam etdirilməsini istədiklərinə qərar verməlidirlər. O, indiyədək Avropa dövlətlərinin praktiki addımlarının müharibənin davam etdirilməsinə yönəldiyini iddia edib.
Qeyd edək ki, bu açıqlama Rusiya Prezidenti Vladimir Putinlə ABŞ nümayəndələri Stiv Uitkoff və Cared Kuşner arasında Moskvada keçirilən görüşdən sonra səsləndirilib. Görüşdə Ukrayna münaqişəsinin nizamlanması və Avropanın təhlükəsizliyi məsələləri müzakirə olunub.
22:58 12.11.2026
Oxunuş sayı: 50
