ABŞ-ın hərbi attaşesi Rusiya MN-ə çağırılıb
ABŞ-ın Rusiyadakı hərbi attaşesi Rusiya Müdafiə Nazirliyinə dəvət edilib.
Rusiya MN 2025-ci il dekabrın 29-u gecəsi Vladimir Putinin iqamətgahına iddia edilən hücum zamanı hava hücumundan müdafiə sistemləri tərəfindən vurulan Ukraynaya məxsus PUA ilə bağlı marşrutlaşdırma məlumatlarını və idarəetmə cihazını ABŞ-ın Moskvadakı səfirliyinin Müdafiə Attaşeliyi Ofisinin nümayəndəsinə təqdim edib.
Crossmedia.az TASS-a istinadən xəbər verir.
Rusiya Baş Hərbi Kəşfiyyat İdarəsinin (QRU) nümayəndəsi bildirib ki, drondan əldə edilən mikrosxem və xüsusi uçuş trayektoriyası hücumun birbaşa hədəfinin prezident Vladimir Putinin iqamətgahı olduğunu sübut edir.
Onun sözlərinə görə, təqdim edilən materiallar Amerika tərəfinin bütün şübhəli məqamlarını aradan qaldıra bilər.
22:11 01.01.2026
Oxunuş sayı: 2998
