Azərbaycan qazı Ukraynaya nəql oluna bilər
Yunanıstan, Bolqarıstan, Rumıniya, Moldova və Ukraynanın energetika sahəsində milli tənzimləyici qurumları Route 2 və Route 3 adlanan yeni qaz nəqli güclərini təsdiqləyib.
Crossmedia.az xəbər verir ki, bu qərar Ukraynaya qaz tədarükünü iki fərqli mənbə hesabına mümkün edir. Belə ki, qazın bir hissəsi Yunanıstanın Aleksandrupolis şəhərində yerləşən FSRU üzən LNG terminalından sıxılmış təbii qaz formasında, digər hissəsi isə Xəzər regionundan çıxarılan Azərbaycan qazının Transadriatik Boru Kəməri (TAP) vasitəsilə Yunanıstan-Bolqarıstan interkonnektoru üzərindən nəqli hesabına təmin edilə bilər.
Mütəxəssislər bildirirlər ki, bu addım Ukraynanın enerji təhlükəsizliyinin gücləndirilməsi, həmçinin Avropanın qaz təchizatının şaxələndirilməsi baxımından mühüm əhəmiyyət daşıyır. Yeni marşrutlar region ölkələri arasında enerji əməkdaşlığını daha da dərinləndirə bilər.
Sevinc Yarməmmədova
12:43 20.12.2025
Oxunuş sayı: 1232
