Azərbaycanın Niderlanda satdığı neftin həcmində artım müşahidə olunub
Bu ilin yanvar-oktyabr aylarında Azərbaycan Niderlanda 360 min 687,86 ton xam neft ixrac edib.
Crossmedia.az Dövlət Gömrük Komitəsinə istinadən xəbər verir ki, bu miqdarda məhsulun dəyəri 214 milyon 827,49 min ABŞ dolları təşkil edib.
İxrac olunmuş məhsulun miqdarı 2024-cü ilin ilk 10 ayı ilə müqayisədə 2,1 dəfə, dəyəri isə 1,7 dəfə çoxdur.
Niderlanda ixrac edilən xam neftin Azərbaycanını ümumi neft ixracında payı 1,74 % olub.
Qeyd edək ki, bu ilin yanvar-oktyabr aylarında gömrük bəyannamələrinə əsasən, Azərbaycan ümumi dəyəri 10 milyard 849 milyon 719,29 min ABŞ dolları olan 20 milyon 754 min 593,06 ton həcmində bitumlu süxurlardan alınmış xam neft və neft məhsulları ixrac edib.
Hesabat dövründə Azərbaycan xarici ölkələrlə 40 milyard 862 milyon ABŞ dolları dəyərində ticarət əməliyyatı aparıb. Xarici ticarət dövriyyəsinin 21 milyard 637 milyon ABŞ dolları ixracın, 19 milyard 225 milyon ABŞ dolları isə idxalın payına düşüb.
15:33 21.11.2025
Oxunuş sayı: 2494
