İstifadə müddəti bitmiş plastik kartlar sənət əsərlərinə çevriləcək
"Təmiz Şəhər" ASC-nin təşkilatçılığı ,
Ekologiya və Təbii Sərvətlər Nazirliyi, Dost İnkluziv İnkişaf və Yaradıcılıq
Mərkəzi, "Yapı Kredi Bank Azərbaycan", Facility Management
Group", "Global Media Group", "Araz" supermarketlər
şəbəkəsi, "ECOhub" və Azərbaycan Jurnalistlər Şəbəkəsi İctimai
Birliyinin dəstəyi ilə keçirilən "Card to Art" sosial-ekoloji
layihəsi davam edir.
Crossmedia.az xəbər
verir ki, layihə çərçivəsində plastik kartları toplamaq üçün nəzərdə tutulan
qutuların müxtəlif məkanlara yerləşdirilməsinə başlanıb. İstifadə müddəti başa
çatan və yararsız plastik kartların təbiətə atılmasının qarşısını almağa xidmət
edən layihənin məqsədi plastik kartlardan istifadə edən tərəfləri bir araya
gətirərərk ətraf mühitin mühafizəsinə töhfə verməkdir.
Fərqli məkanlara qoyulan qutularda toplanacaq plastik
kartlar yaradıcı şəxslərə yönləndiriləcək və onların toxunuşu ilə sənət
əsərlərinə çevriləcək.
Hazırlanmış incəsənət nümunələri Heydər Əliyev
Fondunun təşəbbüsü ilə "Təmiz Şəhər" ASC tərəfindən yaradılan
"Tullantıdan Sənətə" muzeyində təşkil ediləcək "Card to
Art" sərgisində ziyarətçilərə təqdim olunacaq.
21:40 01.10.2025
Oxunuş sayı: 642
