Paşinyan: TRIPP layihəsi ilə Ermənistan Rusiya və İrana dəmiryol bağlantısını bərpa edəcək
Ermənistan və Azərbaycan arasında “Trampın Beynəlxalq Sülh və Rifah Yol”u (TRIPP) layihəsi çərçivəsində nəqliyyat əlaqələrinin açılması Ermənistana Rusiyaya dəmiryol əlaqəsini bərpa etməyə imkan verəcək.
Crossmedia.az xarici mətbuata istinadən xəbər verir ki, bunu Ermənistanın Baş naziri Nikol Paşinyan Vaşinqtonda keçirdiyi mətbuat konfransında bildirib.
Onun sözlərinə görə, 30 il müddətində kəsilmiş bu əlaqə həm TRIPP layihəsi daxilində, həm də ondan kənarda bərpa oluna bilər. Paşinyan qeyd edib ki, Ermənistanın dəmiryolu xətləri Rusiyanın nəzarətindədir və Moskva İcevan–Qazax xəttinin bərpasına sərmayə qoymaqla maraqlana bilər, lakin bunun üçün Azərbaycanın razılığı tələb olunur.
Paşinyan əlavə edib ki, layihə Ermənistana İranla dəmiryol əlaqəsi yaradacaq, həmçinin ferry ( parom) üzərindən Mərkəzi Asiya ilə əlaqələr təmin olunacaq. O vurğulayıb ki, Çin yeni bir şərq marşrutuna malik olacaq və bu, yalnız Ermənistan və qonşuları arasında deyil, həmçinin Rusiya ilə ABŞ, eləcə də İran ilə ABŞ arasında iqtisadi əməkdaşlıq imkanları yaradacaq.
Pərvin Hacıyeva
09:53 09.08.2025
Oxunuş sayı: 980
