Ermənistan və Aİ arasında əməkdaşlıq gündəliyi və viza danışıqları müzakirə olunub
Ermənistanın Baş nazirinin müavini Mqer Qriqoryan Ermənistanın Avropa İttifaqındakı nümayəndə heyətinin rəhbəri, səfir Vassilis Maragosu qəbul edib. Bu barədə erməni KİV-ləri hökumətin mətbuat xidmətinə istinadən məlumat veriblər.
Crossmedia.az xarici mətbuata istinadən xəbər verir ki, görüş zamanı Ermənistan ilə Avropa İttifaqı arasında əməkdaşlıq gündəliyinin aktual məsələləri, eləcə də Mqer Qriqoryanın cari ilin 15–17 iyul tarixlərində Brüssel və Lüksemburqa etdiyi səfər çərçivəsində əldə olunmuş razılaşmaların icra vəziyyəti müzakirə olunub.
Tərəflər regional proseslər barədə fikir mübadiləsi aparıb, kommunikasiyaların açılmasının və iqtisadi əlaqələrin şaxələndirilməsinin regionun dayanıqlı inkişafı baxımından əhəmiyyətini qarşılıqlı şəkildə vurğulayıblar.
Mqer Qriqoryan və Vassilis Maragos Avropa İttifaqı ilə vizasız rejimin liberallaşdırılması üzrə aparılan danışıqların gedişatını və bu istiqamətdə görülən işləri də müzakirə ediblər.
Pərvin Hacıyeva
15:52 06.08.2025
Oxunuş sayı: 738
