Rusiya Azərbaycandan qaz tədarükündə istifadə olunan infrastruktura zərbə endirib
Ukraynanın Odessa vilayətində, Rumıniya ilə sərhədə yaxın yerləşən Orlovka və Novoselskoye əraziləri yaxınlığında "Geran" pilotsuz uçuş aparatlarının hücumları qeydə alınıb. Bu ərazidə yerləşən obyektlər hava hücumuna məruz qalıb.
Crossmedia.az xarici mətbuata istinadən xəbər verir ki, ilkin məlumata görə, hücumun əsas hədəfi Orlovka qazkompressor stansiyası olub. Bu stansiya magistral qaz kəmərləri sisteminin bir hissəsi olaraq, Avropa istehlakçılarına qazın tranzitində və Ukraynaya qazın əks istiqamətdə (revers) ötürülməsində mühüm rol oynayır.
Hərbi müxbirlərin məlumatına görə, hücum nəticəsində zərər çəkmiş infrastruktur Ukrayna ilə Azərbaycan arasında yaxın zamanlarda imzalanmış qaz tədarükü sazişi çərçivəsində istifadə edilən obyektlərdir.
Pərvin Hacıyeva
10:33 06.08.2025
Oxunuş sayı: 8511
