Leninqrad vilayətində turist avtobusu ilə qatar toqquşdu
Rusiyanın Leninqrad vilayətində turist avtobusunun yük qatarı ilə toqquşması nəticəsində bir nəfər ölüb, 16 sərnişin isə xəsarət alıb.
Crossmedia.az xəbər verir ki, bu barədə vilayət administrasiyasının mətbuat xidməti məlumat yayıb.
Regional dəmiryolu xidməti bildirib ki, qəzaya səbəb avtobusun yaxınlaşmaqda olan qatarın önünə relslərə çıxması olub. Toqquşma yerli vaxtla saat 06:11-də (GMT ilə 03:11-də) Lodeynoye Pole və Olonets stansiyaları arasındakı dəmiryolu keçidində baş verib.
Bəyanatda qeyd olunur ki, qatarın maşinisti təcili əyləci işə salsa da, məsafə qəzanın qarşısını almaq üçün kifayət etməyib.
Pərvin Hacıyeva
10:59 04.08.2025
Oxunuş sayı: 765
