Trampın nümayəndəsi Uitkoff Moskvaya səfər edə bilər
ABŞ-nin prezidenti Donald Tramp nümayəndəsi Uitkoffun bu həftənin çərşənbə və ya cümə axşamı günü Moskvaya səfər edə biləcəyini açıqlayıb.
Crossmedia.az xarici mətbuata istinadən xəbər verir ki, Tramp eyni zamanda bəyan edib ki, 8 avqustdan sonra Rusiyaya qarşı sanksiyalar tətbiq edəcək. Bununla belə, o, bu sanksiyaların real təsiri ilə bağlı qeyri-müəyyənlik ifadə edib.
Tramp həmçinin ABŞ-ın iki nüvə sualtı qayığının yenidən yerləşdirildiyini və hazırda “olmaları lazım olan regionda” olduqlarını bildirib.
“Mən artıq bu barədə bəyanat vermişəm və cavab belədir: onlar hazırda məhz lazım olan regiondadırlar,” – deyə o vurğulayıb.
Pərvin Hacıyeva
09:40 04.08.2025
Oxunuş sayı: 6370
