Amerika jurnalında mühüm məqalə: "İsrailin hücumu İranın siyasi gələcəyini dəyişdi"
İsrailin hücumu İranın siyasi gələcəyini kökündən dəyişdi və yeni nəslin baxış bucağını yenilədi.
Crossmedia.az xəbər verir ki, ABŞ-nin "Foreign Policy" jurnalında dərc olunan məqalədə qeyd edilib:
“İsrailin hücumu İranın siyasi gələcəyini kökündən dəyişdi və yeni nəslin baxış bucağını yenilədi.”
Jurnalın iddiasına görə, 12 günlük müharibənin ən mühüm və qalıcı təsiri, İslam İnqilabından sonra doğulmuş, internet dövründə böyümüş və Qərb mediasının təsiri altında formalaşmış gənclərin baxışlarının dəyişməsidir. Son illərdə İran İslam Respublikasının ideologiyasından uzaqlaşan bu gənclər indi Qərb barədə mövqelərini yenidən dəyərləndirməyə başlayıb və İran hakimiyyətinin müdafiə etdiyi “müqavimət xətti”nə inanmağa meylləniblər. Onlar bu gün belə deyirlər:
“İran müstəqil və güclü dövlət olaraq qalsın deyə, raket proqramı, regional qüvvələr və müqavimət ideologiyası gücləndirilməlidir.”
"Foreign Policy" nəticə olaraq bildirir ki, bu dəyişiklik İranın gələcəyi üçün böyük bir mirasdır və əgər davam edərsə, ölkənin daxili və regional siyasətini gələcək onilliklər boyu formalaşdıracaq.
09:13 04.08.2025
Oxunuş sayı: 989
