Rusiyada çağırış nəzarəti və yeni səfərbərlik siqnalları
Rusiyada yaxın zamanda yeni qanunlar tətbiq olunub. Artıq sərhəddə vətəndaşlar xüsusi məlumat bazası üzrə yoxlanılır — həmin şəxsin hərbi xidmətə yararlı olub-olmaması və çağırış vərəqəsi alıb-almaması araşdırılır. Əgər vətəndaş çağırışa tabedirsə və ya hərbi xidmətdən yayınırsa, ona çağırış vərəqəsi birbaşa hava limanında təqdim oluna bilər.
Crossmedia.az xarici mətbuata istinadən xəbər verir ki, eyni zamanda, Rusiya daxilində 2025-ci ilin payızına qədər ümumi səfərbərlik elan olunacağı ilə bağlı iddialar səslənməkdədir.
Bu arada Ryazan vilayətində “Dostunu gətir” adlı yeni referal proqramı işə salınıb. Proqrama əsasən, xüsusi hərbi əməliyyatlarda iştirak üçün müqavilə əsasında hərbi xidmətə insan cəlb edən şəxslərə pul mükafatı verilir. Əgər cəlb olunan şəxs Ryazan vilayətinin sakini olarsa, 57,5 min rubl mükafat nəzərdə tutulur. Əgər başqa bir regiondan vətəndaş cəlb olunarsa — ödəniləcək məbləğ 344,8 min rubl təşkil edir. Xarici vətəndaş üçün isə bu rəqəm 80,5 min rubldur.
Pərvin Hacıyeva
09:04 04.08.2025
Oxunuş sayı: 6643
