Yunan general-leytenantı Lazaros Kamporides: "Türkiyə Yunanıstan və Kiprə qarşı yeni sürprizlər hazırlayır"
Yunan general-leytenantı Lazaros Kamporides: "Türkiyə
Yunanıstan və Kiprə qarşı yeni sürprizlər hazırlayır."
Crossmedia.az xəbər verir ki, bu barədə Yunan general-leytnantı
Lazaros Kamporides bildirib.
Yunan general hazırda Türkiyənin ümumilikdə 31
döyüş gəmisi tikdiyini qeyd edib. PUA sahəsində əldə etdiyi qlobal tanınmadan sonra Türkiyə
indi də dəniz əməliyyat mühitində eyni müvəffəqiyyəti, oxşar strateji hədəfi əldə
etməyi hədəfləyir."
"Türkiyə Egey və Şərqi Aralıq dənizində Yunanıstan və
Kiprə qarşı hava-dəniz əməliyyatını və eniş imkanlarını artırır."
"Yeni dəniz bazaları tikilir. Bu bazalar keçmişdə
olduğu kimi təkcə Mərkəzi və Cənubi Egeyə deyil, indi də Şimali Egeyə və Şərqi
Aralıq dənizinə diqqət yetirir."
"Türkiyə, Ədirnə-Egey-Şərqi Aralıq dənizi xətti boyunca
bazalar quraraq, PUA-larla Yunanıstanın quru hədəflərinə, pilotsuz qayıqlarla
isə Yunanıstan döyüş gəmilərinə qarşı qəfil, genişmiqyaslı hücumlar təşkil etmək
qabiliyyətinə sahib olmağı hədəfləyir."
"Yunanıstan təkcə Türk PUA-larına qarşı deyil, hazırda
Türkiyənin "Mavi Vətən" doktrinasına daxil olan bu pilotsuz dəniz
vasitələrinə qarşı da hazır həllər hazırlamalıdır."
20:04 03.08.2025
Oxunuş sayı: 10857
