Putin: Əgər Kiyev danışıqları tez hesab edirsə, Rusiya gözləməyə hazırdır
Rusiya Prezidenti Vladimir Putin bəyan edib ki, Moskva Ukraynadakı münaqişənin həlli ilə bağlı danışıqlara hazır olaraq qalır, lakin Kiyev vaxtın hələ yetişmədiyini hesab edirsə, israr etməyəcək.
Crossmedia.az xəbər verir ki, bu barədə xarici media məlumat yayıb.
Putinin sözlərinə görə, danışıqlar üçün üç işçi qrupunun yaradılması təklifi Ukrayna tərəfindən “ümumilikdə müsbət” qarşılanıb, lakin hələlik bu qruplar fəaliyyətə başlamayıb. O vurğulayıb ki, Rusiya danışıqlar prosesinin tezliklə işə düşəcəyinə ümid edir.
Putin həmçinin xatırladıb ki, 2024-cü ilin iyununda irəli sürülmüş nizamlama şərtləri qüvvədə qalır. “Bütün məyusluqlar artıq gözləntilərdən yaranır”, deyə o bildirib və əlavə edib ki, münaqişənin sülh yolu ilə həlli üçün “ictimaiyyət qarşısında deyil, əhatəli söhbətlərə” ehtiyac var.
Nigar Rəhimova
17:17 01.08.2025
Oxunuş sayı: 8191
