ABŞ Tayvan müdafiə nazirinin səfərini ləğv etdi
ABŞ Çinlə münasibətləri korlamamaq üçün Tayvanın müdafiə naziri Vellinqton Kunun Vaşinqtonda ABŞ hərbi rəsmiləri ilə keçirilməsi planlaşdırılan görüşünü ləğv edib.
Crossmedia.az xəbər verir ki, bu barədə Financial Times məlumat yayıb.
Məlumata görə, Vellinqton Ku iyun ayında ABŞ müdafiə nazirinin sabiq müavini Elbric Kolbi ilə görüşmək üçün Vaşinqtona səfər etməyi planlaşdırırdı. Lakin səfər son anda təxirə salınıb. Rəsmi səbəb kimi ABŞ-nin İrana endirdiyi zərbələr fonunda vaxtın münasib olmaması göstərilib. Bununla belə, nəşrin mənbələri məsələnin daha dərin narahatlıqlarla bağlı olduğunu bildirir.
Onların sözlərinə görə, bəzi ABŞ rəsmiləri Tayvan müdafiə nazirinin səfərinin ABŞ-Çin ticarət danışıqlarına zərər verəcəyindən və Donald Trampın Çin lideri Si Cinpinlə sammit təşkil etmək səylərinə mənfi təsir edəcəyindən ehtiyatlanırlar.
Qeyd edək ki, hazırda nə Ağ Ev, nə Pentaqon, nə də Tayvan rəhbərliyi bu məsələ ilə bağlı rəsmi açıqlama verib.
Fatimə Məmmədova
11:45 30.07.2025
Oxunuş sayı: 1155
