İrandakı 400-dən çox zənginləşdirilmiş uranın yerləşdiyi ərazilər vurula bilər - ŞOK
İran-ABŞ
münasibətlərinin normallaşması qarşısında duran əsas maneə zənginləşdirilmiş
urandır. İran-israil arasında baş verən 12 günlük müharibədə razılığa gəlinməməsi
bu məsələni hələ də aktiv təhlükə olduğunu göstərir. ABŞ prezidenti Tramp da
İranın nüvə proqramının bərpa olunacağı təqdirdə onu məhv etməklə hədələyib.
İran tərəfindən məsələ ilə bağlı rəsmi açıqlama verilməməsi və zənginləşdirilmiş
uranı ölkəsinin müxtəlif regionlarında gizlətməsi İranı açıq hədəf halına gətirir.
Mövzu
ilə bağlı Sədrəddin Soltan Crossmedia.az-a açıqlama verib:
“12
günlük müharibədən sonra İsrailin İrana yenidən zərbə endirməsi məsələsi gündəlikdən
çıxmayıb. Çünki İranla İsrail arasında atəşkəslə bağlı heç bir sənəd
imzalanmayıb, tərəflər üzərinə heç bir öhdəlik götürməyib. Ona görə bu kövrək
atəşkəs rejimi istənilən an pozula bilər. Digər tərəfdən atəşkəsin təşəbbüskarı
və təminatçısı isə ABŞ-dir. Bu qərarı və təşəbbüsü də ABŞ istənilən vaxt ləğv
edə bilər. Amma bunun üçün İran tərəfi nüvə proqramı ilə bağlı məsələdə əvvəlkindən
belə şəffaf və səmimi olmalıdır. Hadisələr onu sübut edir ki, Tehran hakimiyyətinə
beynəlxalq etimad çox zəifdir. Odur ki, Tehran hakimiyyətinin elan etdiyi və hələ
də harada saxlandığı məlum olmayan 400-dən çox zənginləşdirilmiş uran əsas hədəflərdir.
Bunlar İranın hədəf olaraq vurulmasına səbəb olacaq. Çünki ABŞ bunu əsas götürərək
İranın müxtəlif bölgələrini vura bilər. ABŞ hələ də bu məsələdə geri çəkilmir və
çəkilmək niyyətində olmadığını da bildirir”.
Ayhan
19:13 29.07.2025
Oxunuş sayı: 8289
