KİV: "Tramp Ukraynaya tam dəstəyə hazırdır"
ABŞ prezidenti Donald Tramp Ukrayna Silahlı Qüvvələrinin əməliyyatlarına tətbiq olunmuş bütün məhdudiyyətləri ləğv etməyə hazırdır.
Crossmedia.az "The Kyiv Post"a istinadən xəbər verir ki, Tramp administrasiyasına yaxın mənbələrin məlumatına görə, əvvəlki məhdudiyyətlərin ya artıq yumşaldıldığı, ya da onların tamamilə aradan qaldırılması istiqamətində qərarların nəzərdən keçirildiyi bildirilir.
“Prezident Tramp hesab edir ki, mövcud status-kvo Rusiyanı danışıqlar masasına gətirmək baxımından ümumi maraqlara xidmət etmir”, – deyə adının açıqlanmasını istəməyən amerikalı rəsmi bildirib.
Qeyd olunur ki, bu həftə Vaşinqtonda Almaniya rəsmiləri ilə keçiriləcək görüşlərdə Trampın Rusiyaya qarşı növbəti addımları və Ukraynaya dəstəyin yeni mərhələsi müzakirə ediləcək.
Mənbəyə əsasən, Almaniyanın xarici işlər naziri Yohan Vadeful yaxın günlərdə ABŞ-a səfər edəcək və səfər çərçivəsində Ukrayna ilə bağlı məsələlərin əsas mövzulardan biri olacağı gözlənilir.
20:26 27.05.2025
Oxunuş sayı: 6180
