Suriya və kürd qüvvələri əl-Hol düşərgəsindən təxliyəyə razılaşdı
Suriya hökuməti və ölkənin şimal-şərqindəki kürd hakimiyyət orqanları İraq və Suriyada İŞİD-lə əlaqəsi olduğu deyilən şəxslərin yaşadığı əl-Hol düşərgəsindən suriyalı ailələrin təxliyəsinə dair razılıq əldə ediblər.
Əl-Hol düşərgəsində əksəriyyəti İŞİD üzvlərinin ailə üzvləri olan 37 minə yaxın insan yaşayır. Yeni razılaşma ABŞ-ın rəhbərlik etdiyi beynəlxalq koalisiyanın dəstəyi ilə aparılan danışıqlar nəticəsində əldə olunub. Təxliyə ediləcək şəxslərin yenidən cəmiyyətə inteqrasiyası üçün xüsusi mərkəzlərin yaradılması nəzərdə tutulur.
Crossmedia.az xarici mediaya istinadən bildirir ki, razılaşma Suriyanın şimal-şərqindəki kürd qüvvələri ilə Dəməşq arasında gələcəkdə daha sıx əməkdaşlığa yol aça bilər. ABŞ uzun müddətdir ölkələri əl-Hol kimi düşərgələrdən vətəndaşlarını geri qaytarmağa çağırır. İraq bu çağırışa qismən cavab verib, lakin bir çox ölkə vətəndaşlarını qəbul etməkdə tərəddüd edir.
Zəhra Ağayeva
14:36 27.05.2025
Oxunuş sayı: 1370
