Rusiya aktivləri ilə bağlı Qərbdə fikir ayrılığı: ABŞ-nin təklifinə etiraz
ABŞ Ukrayna ilə Rusiya arasında sülh danışıqlarını yenidən canlandırmaq məqsədilə Rusiyanın dondurulmuş suveren aktivlərinin bir hissəsinin Vaşinqtonun nəzarətində olan xüsusi fonda köçürülməsini təklif edib.
Crossmedia.az xəbər verir ki, Avropa rəsmiləri bu təklifə qarşı çıxıblar.
Təklif Qərb ölkələri arasında Ukraynada müharibəyə son qoymaq üçün danışıqların necə bərpa olunması ilə bağlı fikir ayrılıqlarını üzə çıxarıb.
Təklifə əsasən, Rusiyanın dondurulmuş dövlət vəsaitlərinin müəyyən hissəsi ABŞ-nin nəzarət etdiyi mexanizmə yönəldilə bilərdi. Lakin Avropa rəsmilərinin etirazı təşəbbüsün həyata keçirilməsi ilə bağlı fikir birliyinin olmadığını göstərib.
Məsələ Rusiyanın dondurulmuş aktivlərindən istifadə və Ukrayna ilə bağlı mümkün sülh razılaşmasının şərtləri ətrafında Qərb ölkələri arasında müzakirələrin davam etdiyi bir vaxta təsadüf edir.
23:10 15.10.2026
Oxunuş sayı: 55
