İspan şirkətləri Azərbaycanın iqtisadi imkanlarına böyük maraq göstərir
İspaniya şirkətləri Azərbaycanda işləməkdə olduqca maraqlıdır.
Crossmedia.az xəbər verir ki, bunu İspaniya Krallığının Deputatlar Konqresinin sədri Fransina Armenqol Milli Məclisin sədri Sahibə Qafarova ilə görüşündə deyib.
Söhbət zamanı Deputatlar Konqresinin sədri qeyd edib ki, Azərbaycan-İspaniya əlaqələrinin hazırki vəziyyəti məmnunluq doğurur. O, bundan sonra da parlamentlərin hökumətlər arasında əməkdaşlığı dəstəkləməyə davam edəcəyinə inamını ifadə edib.
Bildirilib ki, iki ölkə arasında iqtisadi əlaqələrin inkişafı da mühüm əhəmiyyət kəsb edir və bir sıra ispan şirkətləri Azərbaycanda işləməkdə olduqca maraqlıdır. Bu da Azərbaycanın siyasi və coğrafi əhəmiyyətindən irəli gəlir.
20:27 20.05.2025
Oxunuş sayı: 682
