Cənubi Koreyada köpəkbalığı böhranı: İki xilasetmə cəhdi nəticəsiz qaldı
Cənubi Koreyanın Busan şəhərində uzunluğu 3,5 metr olan köpəkbalığı iki həftədən çoxdur dar liman kanalından çıxa bilmir. Heyvanı açıq dənizə qaytarmaq üçün həyata keçirilən ikinci xilasetmə cəhdi də uğursuz olub.
Crossmedia.az bu barədə xarici KİV-ə istinadən xəbər verir.
Xilasedicilər köpəkbalığını ehtiyatla açıq dənizə yönləndirmək üçün 50 metrlik böyük tor qurublar. Lakin torun suyun altındakı qayalara ilişməsi səbəbindən əməliyyatı dayandırmaq məcburiyyətində qalıblar.
Bürünc köpəkbalığı növünə aid olduğu ehtimal edilən heyvan yerli sakinlər və turistlər arasında böyük maraq doğurub. Məlumata görə, kanala təxminən 600 min nəfər baş çəkib.
Dəniz mütəxəssisləri hesab edirlər ki, ərazidəki səs-küy və şəhər işıqları köpəkbalığının istiqaməti müəyyənləşdirmə qabiliyyətinə mane ola bilər. Bu da onun kanaldan çıxaraq açıq dənizə qayıtmasını çətinləşdirir.
Xilasedicilər hazırda toru elə yerləşdiriblər ki, köpəkbalığı dənizə yaxın ərazidə qalsın. Onlar suyun səviyyəsinin dəyişməsinin heyvanın özbaşına açıq dənizə qayıtmasına kömək edəcəyinə ümid edirlər.
Tədqiqatçılar isə dəniz suyunun temperaturunun yüksəlməsinin Cənubi Koreya sahillərinə gələn iri köpəkbalıqlarının sayının artmasına təsir göstərdiyini bildirirlər.
02:30 16.10.2026
Oxunuş sayı: 55
