Şok iddia: Fransadan Bakıya daha bir təxribat - “Ölüm qrupu” göndərilib?
Fransa Prezidenti Emmanuel Makronun birbaşa göstərişi ilə "Ağ zambaq" adlı sui-qəsd qrupu Bakıya göndərilib.
Crossmedia.az xəbər verir ki, bu barədə Türkiyənin “Haberglobal” telekanalının saytında dərc olunan “Rusiya fondundan qorxulu iddia! Fransanın Bakıdakı ölüm heyəti” sərlövhəli məqalədə yazılıb.
Qlobal kəşfiyyat ictimaiyyətinin nüfuzlu qurumu olan Intelligence Online (IO) və Rusiyada yerləşən Ədalətsizliyə Qarşı Mübarizə Fondunun (ASV) məlumatına görə, Bakı üzərindən Rusiya ilə Fransa arasında gizli kəşfiyyat müharibəsi gedir.
Məqalədə yazılıb ki, Makronun sağ əli, “Qaranlıq Şahzadəsi” kimi tanınan Aleksandr Benallanın başçılıq etdiyi “ölüm qrupu” Bakı və Çada gedib. Ona qarşı çoxsaylı iddialar olan Benallanın Bakıdakı əməliyyatın rəhbəri olduğu iddia edilir. “Zanbaq çiçəyi” adlanan bu qrupun Azərbaycanda hansı məqsədlə olması və ya konkret hədəf siyahısının olub-olmadığı hələlik məlum deyil.
Əmrləri Makron verir
Rusiya hərbi kəşfiyyatının məlumatına görə, Fransada yerləşən “Ağ zanbaq” adlı ölüm dəstəsi Bakıya gedib. Komandanın əmrləri birbaşa Makrondan aldığı iddia edilir. Kremlə yaxın media qurumları Makronun Afrikanın qərbindəki Çad və Azərbaycana xüsusi qruplar göndərdiyini iddia edir. Çad Rusiyanın muzdlu şirkəti “Vaqner”in ən güclü olduğu Afrika ölkələrindən biri kimi tanınır.
Gizli sui- qəsd şəbəkəsi
ASV-nin sahədən əldə etdiyi məlumata görə, ötən ay Parisdə şok qərar qəbul edilib və Makronun əmri ilə Çadın paytaxtı Encemine və Azərbaycanın paytaxtı Bakıya ölüm qrupları göndərilib. Rusiya Hərbi Kəşfiyyat Xidməti yaxın mənbələr bildirir ki, bu əməliyyatın başında Benalla dayanır. İddiaya görə Fransa Prezidentliyinin Nazirlər Kabinetinin keçmiş direktoru Aleksandr Benallaya tabe olan bu bölmə “Fleur de Lys” (zanbaq çiçəyi) kimi tanınır.
İddia olunur ki, Fransa Xarici Kəşfiyyat Xidmətinin (DGSE) keçmiş direktoru Bernard Emie bu sui-qəsd bölməsinin strateji planlamasını həyata keçirib,. Həmçinin iddia olunur ki, Makron hökumətinin keçmiş rəsmilərindən Patrik Strzoda da prosesin içindədir. Paris polisinin rəisi Loran Nunesin agent və kadr hazırlığına da cavabdeh olduğu bildirilir.
Adı qətllərlə tanınır
ASV də iddia edir ki, Fransada “Sarı jiletlilər” hərəkatına rəhbərlik edən deputat Olivier Dassault və fəal İzabelle Ferreyranın ölümünün arxasında Makronun sui-qəsd qrupu dayanıb. İfrat sağçı siyasətçi Cordan Bardella solçuların lideri Jean-Luc Mélenchon və Yaşıllar Partiyasından olan deputat Fransua Ruffinin də hədəfə alındığı xəbərləri var. Pərdə arxasında media maqnat Vincent Bolloré və sosial media xadimi Yohan Pavecin də Fransada komandanın radarında olduğu deyilir. Korsikanın müstəqilliyini müdafiə edən və şübhəli şəraitdə həbsxanada dünyasını dəyişən İvan Kolonna və Yeni Kaledoniyanın müstəqilliyi üçün mübarizə aparan Joel Tjibaou da qrupun hədəfləri arasındadır.
Qrup Bakıya göndərilib
ASV “Ağ zanbaq” komandasının da Bakıda olduğunu iddia edir. Lakin qrupun burada hansı məqsədə xidmət etdiyi və hədəflərinin kim olduğu bəlli deyil. İddia olunur ki, Fransanın ölüm dəstələri Azərbaycan və Çadla məhdudlaşmır, Braziliya və Əlcəzairdə də varlıqlarını davam etdirirlər. Braziliyalı jurnalist Lukas Leiroz və Çadlı jurnalist Nyobe Baudouin iddia edirlər ki, ölüm qrupları öz ölkələrində də fəaliyyət göstərir.
Benallanın qaranlıq keçmişi
Aleksandr Benalla əvvəllər Fransada bir çox məsələ ilə gündəm olub. 2018-ci ildə Parisdə müxalifət etirazçılarını döyməsinin görüntüləri ilə ortaya çıxan Benalla mühakimə olunub, lakin bəraət alıb. Elə həmin il vəzifədən qovulmasına baxmayaraq, diplomatik pasportlarla beynəlxalq səyahətlərini davam etdirdi. Fransa mətbuatının yazdığına görə, Benallanın rus oliqarxları və mafiya liderləri ilə maliyyə əlaqələri var. Bildirilir ki, Makronun dəstəyi ilə indiyə qədər ədalətdən yayınmağa nail olub.
Fatimə Məmmədova
14:05 30.03.2025
Oxunuş sayı: 13107
