Xarici xəbərlər

Daha bir xəstəlik nadir xəstəliklər sırasına daxil edildi

Rusiyanın Səhiyyə Nazirliyi nadir (orfan) xəstəliklərin siyahısına qaraciyərin xroniki autoimmun xəstəliyi olan birincili biliar xolangiti əlavə edib. Bununla siyahıdakı xəstəliklərin sayı 306-ya çatıb.

Crossmedia.az xəbər verir ki, bu barədə “RİA Novosti” məlumat yayıb. Birincili biliar xolangit əvvəllər birincili biliar sirroz adlandırılıb. Xəstəlik immun sisteminin qaraciyərdaxili kiçik öd yollarını tədricən zədələməsi ilə xarakterizə olunur.

Xəstəliyin əsas əlamətləri arasında yorğunluq, dəridə qaşınma, sarılıq, eləcə də sağ qabırğaaltı nahiyədə ağrı və narahatlıq yer alır.

Rusiya Səhiyyə Nazirliyi daha əvvəl də nadir xəstəliklərin siyahısına desmoid tipli fibromatoz, birincili eritromelalgiya, Rafik sindromu və 15q xromosomunun duplikasiyası sindromunu (Dup15q) daxil edib.

Orfan xəstəliklər siyahısının genişləndirilməsi nadir patologiyaların diaqnostikasının yaxşılaşdırılmasına və bu xəstəliklərin müalicəsi üçün zəruri dərman preparatlarının dövlət qeydiyyatı prosedurunun sadələşdirilməsinə imkan verir.