Belarusda Azərbaycanın Milli Qəhrəmanı Anatoli Davidoviç anılıb
Azərbaycanın Belarusdakı səfirliyinin və Silahlı Qüvvələrin hərbi attaşesinin nümayəndələri 28 martda Belarus əsilli Azərbaycan Milli Qəhrəmanı Anatoli Nikolayeviç Davidoviçin doğumunun 60 illiyi münasibətilə onun məzarını ziyarət ediblər. Crossmedia.az bildirir ki, qəhrəmanın məzarı üzərinə gül dəstələri qoyulub, xatirəsi ehtiramla anılıb.
Səfirliyin və hərbi attaşeliqin əməkdaşları, həmçinin Anatoli Davidoviçin anası Kima Davidoviçi ziyarət edərək onun səhhəti və qayğıları ilə maraqlanıblar. Kima Davidoviç Azərbaycan Prezidenti və Müdafiə Nazirliyinin rəhbərliyinə oğlunun xatirəsinə göstərilən hörmət və diqqətə görə minnətdarlığını bildirib.
Qeyd edək ki, Anatoli Davidoviç 13 iyun 1992-ci ildə şəhid olub. Azərbaycan Respublikası Prezidentinin 3 iyul 1992-ci il tarixli fərmanı ilə ona ölümündən sonra “Azərbaycanın Milli Qəhrəmanı” fəxri adı verilib.
Fidan Xəlilova
19:24 28.03.2025
Oxunuş sayı: 1055
