Bakı Təşəbbüs Qrupu bu hərəkəti pisləyir
Bakı Təşəbbüs Qrupu Fransanın dənizaşırı ərazilərində insan hüquqlarının pozulmasını pisləyir və müstəqil hərəkatlara, o cümlədən Kanakadakı (Yeni Kaledoniya) hərəkatlara dəstəyini ifadə edir.
Crossmedia.az xəbər verir ki, bunu bu gün Bakı Təşəbbüs Qrupunun icraçı direktoru Abbas Abbasov“Kolonializm: Milli-dini kimliyin silinməsi” mövzusunda keçirilən beynəlxalq konfransa həsr olunmuş mətbuat konfransında deyib.
Onun sözlərinə görə, siyasi məhbusların həbsləri təkcə Kanakada deyil, Fransanın digər dənizaşırı ərazilərində də aparılır ki, bu da sistemli insan haqlarının pozulmasından xəbər verir.
"Biz həmişə olduğu kimi, bütün müstəqillik tərəfdarlarını dəstəkləyəcək və onların hüquqları uğrunda mübarizə aparacağıq. Fransa Kanaka ilə dialoq qurmağa çalışır, lakin hələlik nəticə yoxdur. Bakı Təşəbbüs Qrupu bu prosesdə vasitəçi kimi çıxış etməyə hazırdır və Fransadan bütün dənizaşırı ərazilərdə insan hüquqlarının pozulmasına son qoymağı tələb edir", - o bildirib.
17:10 28.03.2025
Oxunuş sayı: 6192
