Azərbaycan Kərki və digər əraziləri tələb edir
“Azərbaycanla sülh müqaviləsi haqqında sazişin elan olunması ilə yalançı təbliğat aparmağa çalışırlar ki, guya sülh gətirirlər. Amma hətta Paşinyanın partiyasının üzvləri belə etiraf edirlər ki, pis arzu hələ qarşıdadır”.
Crossmedia.az xəbər verir kii, bu barədə Ermənistanın “Hraparak” nəşri yazıb.
Nəşrə görə, iş ondadır ki, İlham Əliyev nə dəhliz mövzusundan, nə konstitusiya dəyişikliyindən, nə azərbaycanlıların Ermənistanda məskunlaşdırılmasından, nə də anklavlardan imtina etmir.
Hakim partiyanın son qapalı iclaslarından birində Nikol Paşinyan komandaya bildirib ki, İlham Əliyev Kərkini, eləcə də Ermənistan-Gürcüstan dövlətlərarası magistral yolunun bir hissəsi də daxil olmaqla, Tavusda ona məxsus olan üç ərazini qaytarmağı tələb edir.
“Yerkrapah” hərbi təşkilatının sədri, hakim partiyanın idarə heyətinin üzvü Sasun Mikayelyan qapalı iclasda Paşinyana sual verib: “Kərkini Başkəndlə əvəz etmək olmazmı? Aydındır ki, Kərkini almaqla, Zəngəzur və Dərələyəzin Ermənistanla əlaqəsi kəsiləcək”. Paşinyan sualdan qəzəblənib və deyib: “Məni cinayətə sövq edirsiniz? Mən Ermənistana məxsus ərazi ilə bağlı birtərəfli qərar qəbul edib, Başkəndi öz imzamla Azərbaycanın tərkibində necə tərk edə bilərəm?”, - deyə nəşr qeyd edib.
22:08 22.03.2025
Oxunuş sayı: 12812
