İsrail Qəzzaya hücum etdi - Ölənlər var
İsrail Qəzzanın müxtəlif bölgələrinə hava hücümu təşkil edib.
Crossmedia.az Fələstinin rəsmi agentliyi WAFA-ya istinadən xəbər verir ki, İsrailin Qəzzanın şərqində yerləşən Et-Tuffah məhəlləsində bir evə endirdiyi hava zərbəsi nəticəsində 5 nəfər həyatını itirib, çox sayda insan yaralanıb.
Şahidlərin verdiyi məlumata görə, İsrail döyüş təyyarələri Qəzza şəhərinin qərbindəki Əl-Kərəmə bölgəsində əkinçilik sahəsinə, Tuffah məhəlləsində isə boş bir evə zərbələr endirib.
İsrailin Xan Yunus şəhərində dörd mərtəbəli binaya hücumu nəticəsində bina tamamilə dağılıb, ətrafdakı evlərə ciddi ziyan dəyib.
İsrail ordusu Deyr əl-Bələhdə dəniz polisinin postunu da bombalayıb, həmçinin əl-Miğraxa bölgəsinə və Xan Yunisin qərbindəki ərazilərə hava hücumu təşkil edib.
Fələstin Səhiyyə Nazirliyinin məlumatına görə, yaralılar Əl-Əhli Baptist Xəstəxanasına köçürülüb.
10:39 22.03.2025
Oxunuş sayı: 9118
