"Eqolarını millətin və dövlətin mənafeyindən üstün tutanlar..."- Deputat
"Siyasətdə və bütövlükdə ictimai rəylə bağlı olan bütün sahələrdə “axına qarşı getmək” təcrübəsindən uzun illərdir ki, istifadə olunur".
Bunu Crossmedia.az-a açıqlamasında Milli Məclisin deputatı Elçin Mirzəbəyli deyib.
"“Axın”ın hansı istiqamətdən başladığının, bətnində işıq, yaxud qaranlıq, xeyir və ya şər daşıdığının fərqinə varmadan millətin, xalqın toplumsal maraqlarına qarşı hərəkət edənləri də, “axına qarşı üzdüyünü” məqsədyönlü şəkildə, başqalarından fəqrlənmək naminə imitasiya edənləri də çox görmüşük və təəssüf ki, bundan sonra da görəcəyik"- o, bildirib.
Deputat qeyd edib ki, "axın”a qarşı getmək, yaxud üzmək o zaman qəhrəmanlıq sayıla bilər ki, “axın”ın içərisində yer alanlar bunu kütləvi psixozun, yaxud qorxunun, xofun təsiri altında etsinlər: "Çoxluğun azad bir seçimlə həqiqət kimi qəbul etdiyi, gerçəkliyi əks etdirən, obyektivliyi, həqiqiliyi şübhə doğurmayan mövqeyə, yanaşmaya qarşı hərəkət edənlər isə hansı ad altında pərdələnmələrindən asılı olmayaraq, ən yaxşı halda öz eqolarını millətin və dövlətin mənafeyindən üstün tutan kəslərdir".
Kənan Novruzov
21:15 21.03.2025
Oxunuş sayı: 1169
