“Past”: 44 günlük müharibəni araşdıran komissiyanın yekun hesabatının dərci yenidən yubanır
44 günlük müharibəni araşdıran komissiyanın yekun hesabatının dərci yenidən yubanır.
Bu barədə Ermənistanın “Past” nəşri yazıb.
Nəşr qeyd edib ki, Ermənistan parlamentinin müdafiə və təhlükəsizlik komissiyasının sədri Andranik Köçəryan hesabatın dərcini bilərəkdən gecikdirir və bununla da öz səlahiyyət müddətini uzadır.
“Xatırladaq ki, ötən il Köçəryan 44 günlük müharibə ilə bağlı komissiyanın hesabatının hesabatda yer alan məxfi məlumatları nəzərə alaraq, qapalı iclasda təqdim ediləcəyini bildirmişdi. Hesabatın oktyabrda deputatlara təqdim olunacağı da vurğulanıb. Köçəryan, həmçinin hesabatdan sonra minlərlə cinayət işinin başlanacağını açıqlayıb. Artıq 2025-ci ilin mart ayıdır, lakin Köçəryan hesabatı dərc etməyə tələsmir”, - deyə nəşr bildirib.
23:36 08.03.2025
Oxunuş sayı: 9885
