Danimarka parlamenti ABŞ-nin Qrenlandiyada hərbi mövcudluğunun genişləndirilməsini təsdiqləyib
Danimarka parlamenti ABŞ ilə Qrenlandiyanın təhlükəsizliyinə dair sazişi yekdilliklə ratifikasiya edib.
Crossmedia.az xəbər verir ki, bu barədə "AG Table" məluat yayıb. Səsvermədə 109 deputat sənədin lehinə səs verib, əleyhinə çıxan olmayıb.
Saziş ABŞ-ın Qrenlandiyadakı hərbi mövcudluğunun genişləndirilməsini nəzərdə tutur. Sənədə əsasən, adada iki yeni Amerika hərbi bazasının yaradılması və ABŞ-ın “Golden Dome” raketdən müdafiə sisteminin elementlərinin yerləşdirilməsi mümkün olacaq.
Qeyd edək ki, Qrenlandiya Arktika regionunda strateji mövqeyə malikdir və ABŞ üçün hərbi və təhlükəsizlik baxımından mühüm əhəmiyyət daşıyır.
21:15 19.11.2026
Oxunuş sayı: 34