Kreml Avropa nümayəndələrinin Moskvaya dəvətini şərh etdi
Rusiya hakimiyyəti Avropa ölkələrinin nümayəndələrini Ukrayna münaqişəsinin nizamlanması ilə bağlı danışıqlar aparmaq üçün Moskvaya dəvət edib. Lakin dəvətin hansı ölkələrin paytaxtlarına göndərildiyi hələlik açıqlanmır.
Crossmedia.az xəbər verir ki, bu barədə Rusiya Prezidentinin mətbuat katibi Dmitri Peskov jurnalistlərə açıqlamasında bildirib.
Jurnalistlərin dəvətin hansı Avropa ölkələrinə göndərildiyi ilə bağlı sualını cavablandıran Peskov bununla bağlı hələlik məlumat verməyəcəklərini deyib.
Qeyd edək ki, noyabrın 19-da Rusiya Prezidenti Vladimir Putin Çinə səfərinin yekunları ilə bağlı mətbuat konfransında Avropa İttifaqının nümayəndələrinə Moskvaya gəlməyi təklif etdiklərini açıqlayıb.
Putinin sözlərinə görə, Moskva bu yolla Avropa tərəfinin mövqeyini anlamaq və Ukrayna münaqişəsinin həlli istiqamətində dialoqu davam etdirmək istəyir.
18:43 19.11.2026
Oxunuş sayı: 38