ABŞ qadınlara qarşı zorakılıqla bağlı BMT qətnaməsini dəstəkləməyib
ABŞ Birləşmiş Millətlər Təşkilatında (BMT) qadın və qızlara qarşı zorakılığın qarşısının alınmasına yönəlmiş qətnamə üzrə səsvermədə bitərəf qalıb.
Crossmedia.az xəbər verir ki, beynəlxalq KİV bu barədə məlumat yayıb.
Noyabrın 17-də keçirilən səsvermədə qətnaməni 175 ölkə dəstəkləyib, 6 ölkə bitərəf qalıb, 1 ölkə isə əleyhinə səs verib. ABŞ sənədi dəstəkləməyən yeddi ölkədən biri olub.
Vaşinqton qərarını qətnamədə abort, cinsi və reproduktiv sağlamlıqla bağlı ifadələrin yer alması ilə əsaslandırıb.
ABŞ-nin BMT-dəki nümayəndəliyi bildirib ki, ölkə administrasiyası yalnız iki bioloji cinsi – kişi və qadını tanıyır.
Amerika tərəfi qadın və qızlara qarşı zorakılıqla mübarizənin vacibliyini qəbul etsə də, qətnamədəki bəzi anlayışlarla razılaşmadığını açıqlayıb.
Qeyd edək ki, qətnamə qadın və qızlara qarşı zorakılığın bütün formalarının qarşısının alınması və onların hüquqlarının müdafiəsi istiqamətində beynəlxalq tədbirlərin gücləndirilməsini nəzərdə tutur.
14:57 18.11.2026
Oxunuş sayı: 101