Xarici xəbərlər

Berlin seçkilərində mənzil böhranı siyasi qarşıdurmanı daha da kəskinləşdirdi

Berlinin mənzil bazarında dərinləşən böhran şəhərdə keçiriləcək seçkilər ərəfəsində əsas müzakirə mövzusuna çevrilib.

Crossmedia.az xəbər verir ki, “politico” bu barədə məlumat yayıb.

Məlumata görə, şəhərdə kirayə qiymətlərinin kəskin artması və münasib mənzil çatışmazlığı seçki kampaniyasının əsas gündəmlərindən birinə çevrilib. Sol partiyalar problemin həlli üçün böyük daşınmaz əmlak şirkətlərinə məxsus mənzillərin dövlət tərəfindən alınmasını və kirayələrin məhdudlaşdırılmasını təklif edir.

“Die Linke”nin önə çıxardığı plan çərçivəsində böyük daşınmaz əmlak şirkətlərinə məxsus mənzillərin müsadirə edilərək ictimai mülkiyyətə keçirilməsi təklif olunur. Bu təşəbbüs Berlinin mənzil böhranının aradan qaldırılması ilə bağlı seçki kampaniyasının ən mübahisəli məsələlərindən birinə çevrilib.

Reuters-in məlumatına görə, Berlində kirayə qiymətləri 2014-cü ildən bəri təxminən iki dəfə artıb və 2040-cı ilədək şəhərdə əlavə 211 min mənzilə ehtiyac yaranacağı proqnozlaşdırılır.

Mövzular:

Berlin Sol partiyalar seçki kampaniyası mənzil bazarı böhran

🖨 Çap et

18:41 19.09.2026

Oxunuş sayı: 45