Polşa bu məsələdən dərs çıxarmalıdır - əks təqdirdə...
Polşanın ictimai televiziya kanalı TVP World-ün Azərbaycan həqiqətlərini təhrif edərək qərəzli şəkildə təqdim etməsi Azərbaycan tərəfinin narazılığına səbəb olub. Azərbaycan Xarici İşlər Nazirliyinin məsələ ilə bağlı Polşanın Azərbaycanda akkreditə olunmuş səfirini çağıraraq etirazını bildirməsi diqqət çəkib.
Milli Məclisin deputatı Hikmət Babaoğlu Crossmedia.az-a açıqlamasında bildirib ki, informasiyanın qərəzli şəkildə təhrif edilərək siyasi məqsədlər üçün istifadə olunması yolverilməzdir: “Bu, informasiyanın obyektiv şəkildə ictimaiyyətə təqdim edilməsi deyil, onun qərəzli şəkildə təhrif edilərək siyasi məqsədlər üçün istifadə olunmasıdır. Azərbaycan Xarici İşlər Nazirliyinin məsələ ilə bağlı Polşanın Azərbaycanda akkreditə olunmuş səfirini çağıraraq etirazını bildirməsi haqlı və yerində addımdır”.
Deputatın sözlərinə görə, əsas sual Polşanın ictimai yayım kanalı olan TVP World-ün Azərbaycana qarşı belə mövqe nümayiş etdirməsinin səbəbləri ilə bağlıdır: “Polşa-Azərbaycan münasibətlərində belə bir mövqeyin ortaya çıxması üçün ciddi səbəb görünmür. Buna görə də məsələnin səbəbləri araşdırılmalıdır”.
H.Babaoğlu qeyd edib ki, Azərbaycan tərəfinin məsələyə rəsmi reaksiya verməsi gələcəkdə oxşar halların qarşısının alınması baxımından əhəmiyyətlidir: “Ümid edirəm ki, Polşa bu məsələdən nəticə çıxaracaq. Əks təqdirdə, diplomatik prosedurlara uyğun olaraq əlavə addımlar atıla bilər“.
Nigar Xəlilli
13:00 29.08.2026
Oxunuş sayı: 77
