Hikmət Hacıyev Azərbaycan səmasını qoruyan ispan pilotlarla bağlı filmi paylaşıb
Azərbaycan Prezidentinin köməkçisi Hikmət Hacıyev İspaniya vətəndaş müharibəsindən sonra taleyi Azərbaycana bağlanan ispan pilotlardan bəhs edən sənədli filmi paylaşıb.
Crossmedia.az xəbər verir ki, AnewZ tərəfindən hazırlanan sənədli film Hikmət Hacıyevin sosial şəbəkə hesabında yayımlanıb.
Filmdə İspaniyada vətəndaş müharibəsi dövründə Gəncəyə gələn ispan pilotların taleyindən bəhs olunur. Bildirilir ki, Frankonun hakimiyyətə gəlməsindən sonra onların bir qismi vətənlərinə qayıda bilməyərək SSRİ-də qalıb və sonradan Sovet Ordusunda xidmət edib.
Qeyd olunur ki, İkinci Dünya müharibəsi illərində həmin pilotların bir hissəsi Azərbaycan səmasının və Bakı neft mədənlərinin faşist aviasiyasının hücumlarından müdafiəsində iştirak edib.
09:05 20.07.2026
Oxunuş sayı: 58
