Xarici xəbərlər

İstanbula gedənlərə XƏBƏRDARLIQ: Dələduzlar belə aldadır

İstanbulun hava limanlarında və ictimai nəqliyyat dayanacaqlarında fəaliyyət göstərən dələduzlar xarici turistləri nəqliyyat kartı almaq və balansını artırmaq bəhanəsi ilə aldadır.

Crossmedia.az xəbər verir ki, bu barədə RİA Novosti-yə türkiyəli təhlükəsizlik eksperti, keçmiş yüksəkvəzifəli polis əməkdaşı Mustafa Beğürcü məlumat verib.

Onun sözlərinə görə, fırıldaqçılar turistlərin sıx olduğu ictimai nəqliyyat məntəqələrində, o cümlədən İstanbul hava limanlarında əcnəbilərə nəqliyyat kartının alınması və terminal vasitəsilə balansının artırılması üçün "kömək" təklif edirlər.

Nəticədə turistlər kartın balansının artırılmadığını, lakin pullarının artıq kartdan silindiyini və ya nağd şəkildə dələduzlara verildiyini aşkar edirlər.

Mustafa Beğürcü turistlərə bütün əməliyyatları mümkün qədər özlərinin həyata keçirməsini, xüsusilə hava limanlarında və turistik ərazilərdə tanımadıqları şəxslərin köməyindən istifadə etməməsini tövsiyə edib. O, əcnəbilərə israrla yaxınlaşaraq kömək təklif edən şəxslərə qarşı xüsusilə diqqətli olmağın vacibliyini vurğulayıb.

🖨 Çap et

10:56 06.07.2026

Oxunuş sayı: 64