Xarici xəbərlər

Moskvadan İrəvana sərt mesaj: Strateji seçiminizi açıqlayın

Rusiya Xarici İşlər Nazirliyi Ermənistanın son açıqlamalarının Avrasiya İqtisadi İttifaqına (Aİİ) üzvlüklə bağlı suallar yaratdığını bəyan edib.

Crossmedia.az xarici mediaya istinadən xəbər verir ki, Rusiya XİN-in rəsmi nümayəndəsi Mariya Zaxarova bildirib ki, Ermənistan hakimiyyətinin bəyanatlarından belə görünür ki, İrəvan Aİİ-də iştirakını Avropa İttifaqına üzvlüyə hazırlıq üçün müvəqqəti mərhələ kimi qiymətləndirir.

Zaxarovanın sözlərinə görə, Baş nazir Nikol Paşinyan Aİİ ilə bağlı son açıqlamaları ilə müzakirəni əsas mövzudan yayındırır və bu, daha əvvəl Kollektiv Təhlükəsizlik Müqaviləsi Təşkilatında (KTMT) iştirakın “dondurulması” məsələsində olduğu kimi, demoqogiyaya çevrilir.

O əlavə edib ki, Ermənistanın davranışını Aİİ çərçivəsində vicdanlı üzvlük nümunəsi adlandırmaq olmaz və İrəvan strateji seçimi ilə bağlı mümkün qədər tez aydın mövqe ortaya qoymalıdır.

🖨 Çap et

16:50 26.06.2026

Oxunuş sayı: 59