Xarici xəbərlər
Sorğu nəticələri: Türkiyədə İran və ABŞ-İsrailə dəstək aşağı səviyyədədir
Türkiyə əhalisinin böyük əksəriyyəti ABŞ ilə İran arasında baş verən münaqişədə tərəfsiz qalmağın tərəfdarıdır.
Crossmedia.az xəbər verir ki, bu barədə Türkiyənin tanınmış sorğu agentliyi olan Metropol şirkəti araşdırma edib.
Sorğuda iştirak edənlərin 68.1%-i neytral mövqeni dəstəklədiyini bildirib. İrana dəstək verənlərin nisbəti 22.6%, ABŞ-İsrail tərəfini dəstəkləyənlər isə cəmi 2.1% təşkil edir.
Partiyalar üzrə nəticələrə gəldikdə, İrana ən çox dəstək verənlər 27.6% ilə "DEM Partiya" seçiciləridir. Eyni zamanda, bu partiyanın seçiciləri arasında ABŞ-İsrailə dəstək verənlərin nisbəti də digər partiyalarla müqayisədə daha yüksək – 7.6% olub.
"CHP" seçiciləri arasında ABŞ-İsrailə dəstək ən aşağı səviyyədə – 0.7% təşkil edir. Onların 26.4%-i İrana dəstək verdiyini, 67.6%-i isə tərəfsiz qalmağın tərəfdarı olduğunu bildirib.
İrana ən aşağı dəstək isə "İYİ Parti" seçiciləri arasında qeydə alınıb – 14.9%. Bu partiyanın seçicilərinin 6.1%-i ABŞ-İsrail tərəfini dəstəkləyir.
"AKP" seçiciləri arasında isə 24.3% İrana yaxın mövqe sərgilədiyini, yalnız 1%-i isə ABŞ-İsrail tərəfini dəstəklədiyini bildirib.
18:09 30.03.2026
Oxunuş sayı: 52
