Cəmiyyət

Beynəlxalq çimərlik polosu turnirində komandalar təqdim olunub

Sentyabrın 11-dən 13-dək "See Breeze 2026" beynəlxalq çimərlik polosu turnirində iştirak edəcək komandaların təqdimat mərasimi keçirilib.

Crossmedia.az xəbər verir ki, açılış nitqi ilə çıxış edən ARAF-ın baş katibi Elvin Məmmədxanov turnirdə mübarizə aparacaq komandalara uğurlar arzulayıb.

Daha sonra "World polo" şirkətinin prezidenti Reto Qaudenzi İsveçrə, Böyük Britaniya, Azərbaycan və Rusiya kollektivlərini ardıcıllıqla səhnəyə dəvət edib. Son olaraq komandalar kollektiv şəkil çəkdiriblər.

Qeyd edək ki, turnirin açılış oyununda qum üzərinə "Red Star" və "Sankt Moritz" komandaları çıxacaqlar. Bu matç sentyabrın 11-də, saat 16:00-da start götürəcək. Günün ikinci qarşılaşmasında isə yerli "Elit polo club" "Moscow polo club"la qarşılaşacaq. Turnirə sentyabrın 13-də yekun vurulacaq.

Mövzular:

See Breeze 2026 çimərlik polosu turniri Sankt Moritz Red Star Azərbaycan Elvin Məmmədxanov ARAF-ın baş katibi

🖨 Çap et

21:39 10.09.2026

Oxunuş sayı: 48