Qətər İranın Küveytə hücumunu sərt şəkildə qınayıb
Qətər Xarici İşlər Nazirliyi İranın Küveytdəki düşərgə, elektrik stansiyası və duzsuzlaşdırma zavoduna qarşı hücumlarını “iyrənc təcavüz” adlandıraraq ən sərt şəkildə pisləyib.
Crossmedia.az bu barədə xarici mediaya istinadən xəbər verir.
Nazirlik bildirib ki, bu hücumlar nəticəsində hərbi personal itkiləri baş verib və Küveytin suverenliyi ilə beynəlxalq hüquq prinsipləri kobud şəkildə pozulub.
Qətər Dövləti Küveytlə tam həmrəyliyini vurğulayıb və suverenliyinin və təhlükəsizliyinin qorunması üçün görülən bütün tədbirləri dəstəklədiyini açıqlayıb. Nazirlik həmçinin qurbanların tezliklə sağalmasını arzulayır və Uca Tanrıdan Küveyti və xalqını bütün zərərlərdən qorumasını diləyib.
Küveytin Elektrik və Su Nazirliyinin məlumatına görə, hücum nəticəsində bir hindistanlı işçi həlak olub və müəssisədəki xidmət binasına ziyan dəyib.
13:08 30.03.2026
Oxunuş sayı: 57
