Xarici xəbərlər

ABŞ İranın nüvə və enerji obyektlərini hədəf alan hərbi planları nəzərdən keçirir

Məlumata görə, ABŞ rəhbərliyi İranın təxminən 450 kiloqram zənginləşdirilmiş uran ehtiyatını fiziki olaraq ələ keçirmə variantını nəzərdən keçirir.

Crossmedia.az bu barədə xarici mediaya istinadən xəbər verir, Məqsəd İranın nüvə silahı hazırlamaq imkanlarını məhdudlaşdırmaqdır.

Ekspertlər bildirirlər ki, belə əməliyyat mürəkkəb və risklidir, qısa müddətdə başa çatması mümkün deyil. Ssenariyə əsasən, ABŞ hərbçiləri bir neçə gün ərzində İran ərazisində qalmalı ola bilər ki, bu da cavab zərbələri və daha genişmiqyaslı münaqişə riskini artırır.

Donald Tramp həmçinin bildirib ki, İranın neft resurslarını ələ keçirmək ABŞ üçün daha üstün variant kimi qiymətləndirilir, lakin ölkə daxilində bu planı dəstəkləməyən qüvvələr də mövcuddur.

Tramp Hörmüz boğazı yaxınlığında yerləşən Xarg adası ilə bağlı da danışaraq ABŞ-ın bu adanı ələ keçirmək variantını nəzərdən keçirə biləcəyini bildirib. O iddia edib ki, bu əməliyyat nisbətən asan həyata keçirilə bilər, eyni zamanda Vaşinqtonun müxtəlif alternativ planlara malik olduğunu vurğulayıb.

🖨 Çap et

10:30 30.03.2026

Oxunuş sayı: 47