İsrail və ABŞ qüvvələrinin Tehranda obyektə zərbə endirdiyi bildirilir
İsrail və ABŞ qüvvələrinin İranın paytaxtı Tehranda yerləşən mühüm obyektlərdən birinə zərbə endirdiyi iddia olunur. Məlumatlara görə, hücum nəticəsində Təbii Sərvətlər və Su Hövzələrinin İdarə Edilməsi ilə məşğul olan qurumun binası tamamilə dağıdılıb.
Crossmedia.az İsrail mənbələrinə istinadən məlumat verir.
Beynəlxalq humanitar təşkilatların açıqlamalarında qeyd edilir ki, sözügedən qurum Tehran əyalətində ekoloji mühitin qorunması və su infrastrukturunun idarə olunmasına cavabdeh olan mülki təşkilatdır.
Digər tərəfdən, martın 11-də İsrail Müdafiə nazirliyinə yaxın mənbələrin İsrail mediasına verdiyi məlumata əsasən, artıq regionda rejim dəyişikliyi ssenarisinə inamın azaldığı bildirilir. Mənbələrə görə, bu səbəbdən strategiyanın İranın həm mülki, həm də hərbi infrastrukturuna maksimum zərbə vurulmasına yönəldiyi iddia olunur.
Hadisə ilə bağlı rəsmi qurumların açıqlamaları və məlumatların dəqiqləşdirilməsi gözlənilir.
20:25 29.03.2026
Oxunuş sayı: 44
